ජීවිතයේ සමහර වෙලාවට අපට තනිකම දැනෙන විට අපි අපට ලැබෙන හැමදේම ළං කරගන්න උත්සහ ගන්නවා. හැම කෙනෙක්ම හුදකලා වෙන්න තනිවෙන්න ඒ තරම්ම අකමැතියි. හැබැයි ඒ හුදකලාව අපට අපේ ජීවිතයට ගොඩක් පාඩම් කියලා දෙනවා.
අපි අපේ හිත එක්ක තනිවුණ වෙලාවලට සමහර දේවල්වල නොදැකපු පැති අපටම දකින්න පුලවන්. හයක් හතරක් නොතේරෙන කාලේ දෙමව්පියෝ, ගුරුවරු අපට අපේ ජීවිතය කියලා දෙනවා වගේ සමහර වෙලාවට තනිකමත් අපට ගොඩක් දේවල් කියලා දෙන පාඩම් පොතක් බවට පත් වෙනවා.
අපි තනිවෙන්න ඕන අපි අතීතතයේ කළ වැරදි අඩුපාඩු සිහිකර දුක් වෙන්නට හෝ අනාගතය ගැන සිතා හීන මාළිඟා සෑදීමට නොව මේ දෙක අතර තියන වර්තමානය ගොඩනගාගෙන ජීවත් වෙන්න.
අපි කෙතරම් අකමැති වුවත් ඕනම කෙනෙක්ගේ ජීවිතවලට ඒ තනිකම කුමක් හෝ පාඩමක් කියාදුන් අවස්ථාන් හැමකෙනෙක්ගෙම ජීවිතවල ඇති.ඒ තනිකමත් සමඟ හිතට ලැබෙන ශක්තිය අපේ ජීවිතවලට නියම විදිහට එක් කරගන්න හැකි නම් ඒ ශක්තියෙන් අපට මේ සමාජයේ තිබෙන ඕනෑම දේකට නොබියව මුහුණ දෙන්න පුලවන් වේවි.
ඒ වගේ ම ඒ තනිකමත් සමඟ අපි අපේ ජීවිතේ පරාද වූවොත් කවදාවත් නැවත නැගිටින්න බැරි තරමට මුලු ජීවිතේම කඩා වැටේවි. ඒ නිසාවෙන් හුදකලාව තනිකම අප සෑම විටම අපේ ජීවිතයට ශක්තියක් කර ගත යුතුය.
Wow
ReplyDelete