ජංගම දුරකථනය හා ශ්‍රී ලාංකීය තාරුණ්‍යය.

             
             

                     
                     

        

            වයස අවුරුද 18 ඉක්මවූ පසු ඕනෑම දරුවකු ඊළඟට පිවිසෙනුයේ තම ජීවතයේ වැදගත්ම අවධියක්වන තාරුණ්‍යයටයි. තම අනාගතය හා බැඳි ජීවිතයේ ඉතා සුවිශේෂීම තීන්දු තීරණවලට එළඹීමේ වැඩි සක්‍යතාවයක් පවතින මෙකී අවධිය ඉතා වැදගත්වන්නේ ද මේ නිසාවෙනි. තම දෙමාපියන්ගේ ගුරුවරුන්ගේ අවවාද අනුශාසනා මධ්‍යයේ කුඩා කළ සිට වැඩෙන දරුවකු දැන් සිටින්නේ තනිව යමක් තේරුම් බේරුම් කර ගැනීමට හැකි අවධියකැයි සිතා මෙකී වයස් සීමාවේ දී තම දරුවා අතහැර දමා ඔවුන් කෙරෙහි නිසි රැකවරණයක් ලබා නොදීමෙන් වත්මන් තාරුණ්‍යය ඉතාමත් පිරිහුණු තත්වයකට පත්ව සිටී. දියුණුවන තාක්ෂණය ඒ නිසාවෙන් ඕනෑම දරුවෙකුට කුඩා කළ සිට ලැබෙන රැකවරණය ඔහුගේ ඇයගේ ජීවිතයේ මෙකී අවධියේ පෙරටත් වඩා ලබාදිය යුතු බවත් ගුරුවරුන් මෙන්ම දෙමාපියන් ද අවබෝධ කර ගත යුතුය.

      වර්තමානයේ  ශ්‍රී ලාංකික තාරුණ්‍යයේ ඉතා සමීපතම මිතුරෙකු ලෙස ඔවුන් භාවිතා කරන තාක්ෂණික මෙවලම වන්නේ ජංගම දුරකථනයයි.  උදෑසන අවදි වූ විට නින්දට යන තෙක්ම ඔවුන් තම සියලු  සබඳතා ගොඩනගා ගන්නේ මෙම තාක්ෂණික මෙවලෙමනි. 

      නිවස තුළ විශ්ව විද්‍යාලය තුළ පමණක් නොව සමස්ත සමාජයේ තාරුණ්‍යය හුදකලා කිරමට ජංගම දුරකතනය හේතු සාධකයක්වන බව කිසිවෙකුට නොවැටහේ. නව පහසුකම ඔස්සේ ෆේස් බුක්, ඉන්ටර්නෙට් වැනි ජාලගත මාධ්‍යය සමඟ සම්බන්ධ වීමට මෙයින් ලබන හැකියාව නිසාවෙන් දන්නා පිරිස් පමණක් නොව නොදන්නා පිරිස් ද අපට හඳුනා ගැනීමට සබඳතා පැවැත්වීමට ඉඩකඩ සලසාලයි. බැලූ බැල්මට එහි වරදක් නැත. මිනිසා උපතින්ම සාමූහික සත්වයෙකු වූ නිසාවෙන් ඔහුට ජීවත් වීමට තමා තම පවුලට රටට පමණක් සීමා නොවී ලොව වටා  සිටින විවිධ පිරිස් ඇසුරු කරමින් විවිධාකාර අත්දැකීම තුළින් තම ජීවිතය පෝෂණයට හැකියාව උදා කර ගත හැකිය. නමුත් ගැටලුවවන්නේ එකී පිරිස කුමන මානසික මට්ටමවල, කුමන සමාජ තරාතිරමක දිවි ගෙවන අයද යන්න විශේෂිතව  හඳුනා ගැනීමට මෙම මාධ්‍යයන්ගේ පවතින නොහැකියාවයි. තමන් හොදින් දන්නා තම යහලු යෙහෙලියන්ට ඥාතීන්ට වඩා වර්තමාන තාරුණ්‍යය වඩාත් සමීපවන්නේ මෙකී  මාධ්‍යයෙන් ලංකරගන්නා දැන හඳුනගන්නා මිතුරු මිතුරියන්ට වීම ජංගම දුරකතනය හා තාරුණ්‍යය පිළිබඳ දැක්වීමේදී වැදගත් වූවකි. 

           ඔවුන් තම එදිනෙදා ජීවිතයේ දී තමාට ඇතිවන ගැටලුවලට විසඳුම් සෙවීමට පවා තෝරාගන්නේ තමා ළඟ සිටින තමා ඇසුරු කරන විශ්වාසවන්ත පිරිස නොව තමා කවදාවත් නොදැකපු හමුනොවුන පිරිස් වේ. එවැනි අය සමඟ ගනුදෙනු කිරී්මට යාමෙන් ලංකාව තුළ පමණක් නොව ලෝකය තුළ ද කෙතරම් තරුණ ජීවිත විනාශයට පත් වූයේ ද? 

        ඒ නිසාවෙන්න    ඕනෑම  තාක්ෂණික මාධ්‍යයක් පරිහරණය කිරීමේ දී අප සවිඤ්ඤාණික විය යුතුය. අප වටා ඇති ලෝකය අවබෝධකර ගත යුතුය. අප සංස්කෘතිය සම්ප්‍රදාය අවබෝධ කර ගත යුතුය.